الليلة يا قروية (أحى متين ازور الخرطوم)

[أسمرجميل]

طبعا فى ناس حايتخلعو وناس الغبار يسبب ليهم كحة وكدة من قدم ما شافو
بس انا ما عجوز خالص ياخ قول عجوز ناس عمو ود مدنى اعجز منى
المهم انا من اشد المعجبين بما عشت فى صغرى وزاكرتى متعلقة بهذة الاشياء بوصورة غريبة
منها للمثال لا على سبيل الحصر عمكم مختار والثعلب المكار وهذة الاغنية تحديد بحثت عنها وتحصلت عليها بس تسجيل غير نظيف
وجحا وبريقع
حكمت الله جيل هسع يقول دة تخلف
حبى لكم وانتم تزعجون انفسكم بهضربتى

[أبو عمار]

وجحا وبريقع

ياخ عم جحا ده كان أظرف حاجة
و ألذ شيء لمن يعمل رايح ..

[Aprahim]

[frame="1 80"]لا لا الليلة يا قروية

لا لا الليلة ياقروية
انت ياقروية يا السمنتك بلدية
طوريتك الملوية ..زراعتك المطرية
وبين بنات الناس انت بس حوريّيّة

يا الله متين اشوف الخرطوم
وقالوا لي في الخرطوم البت
بتمشي للكوفير

يا الله متين اشوف الكوفير


لا لا الليلة ياقروية

انت ياقروية ما تغرك المدنية
إنت ما منسية والله انت غنية
بزراعتك المطرية وبهايمك المسقية


أحيي متين اشوف الخرطوم
يا ربي متين اشوف الخرطوم

قالوا لى في الخرطوم جنينة البلدية
وقالوا لي في الخرطوم الفُسحة بالعربية

يا ربي متين اشوف الخرطوم

قالو لى فى الخرطوم البت بتختار عريسه
وكمان كان دارت الدبله تمشى تقيسه[/frame]

اسمر جميل

رجعتنى للزمن الجميل

ايام نبني فتهدمها الرياح فلا نضج ولا نثور

ايام زاهية

ايام تفرُش سُبلنا الدنيا باوراق الزهور




تخريمة


نشيد لا لا يا قروية

اعتقد صاغه الكاتب المسرحي الشيخ عوض الضو

[Aprahim]

[frame="2 80"]دنيتنا الجميلة

ماهى دنيتنا الجميلة
شوفو دنيتنا الجميلة
بوديانها وصحاريها ونخيلها
بأنهارها وباشجارها الظليلة
أربعة فصول فى السنة
بمرو عبر الأزمنة
الشتا والصيف ، وربيع وخريف
وده بيحصل كيف ؟
ماهى دنيتنا الجميلة
أى واحد فينا لو فكر وقدر
عظمة الخالق بتظهر
يبقى واجبنا العلينا
نبتهل نرفع أيدينا
ونعمل المفروض علينا
ماهى دنيتنا الجميلة
الشمس كل يوم بتشرق
أصلو ما اتاخر شروقها
فى العشية تسيبنا تغرب
روعة سبحانو البسوقها


دنيتنا الجميلة
كلمات التجانى حاج موسى
الحان الموسيقار يوسف حسن الصديق[/frame]

[ود مدني]

ناس عمو ود مدنى اعجز منى

:_evil::_evil::_evil::_evil::_evil:

:cuturhair::cuturhair::cuturhair:

[يسري رحمة الله]

ايام لها ايقاع خاص

طفولة حلوة برامج التلفزيون والاذاعة كانت لها نكهة خاصة والجمعة نفسها كانت حلوة

الاذاعة برنامج ركن الاطفال والنكات الحلوة ومايتناوله البرنامج من تعليم وثقافة

ودمت بخير

[علي طاهر]

انتو شنو كلكم عاملين فيها جيل السبعينات ،،
و الله تلاقاكم كلكم مواليد 65 ياخ بالغتو عديل و الله

[hager]

والله يا اسمر تقول بتقرأ افكارى امس القريبة دى كنت بحضر فى برنامج الاطفال قلت لييه ما يعيدو الحاجات الجميلة دى (وفرقة اللوان الطيف هذه الفرقة الجميلة قدمت اشياء مفيدة وجميلة )اين هى الان.

[hager]

انتو شنو كلكم عاملين فيها جيل السبعينات ،،
و الله تلاقاكم كلكم مواليد 65 ياخ بالغتو عديل و الله

يا على ماضرورى ياخ يكونو نفس الجيل يمكن كانو بيحضرو مع اولادم دا غايتو على حسب الصور اللى شفناها.:_jump::_jump::_jump:

[علي طاهر]

يا على ماضرورى ياخ يكونو نفس الجيل يمكن كانو بيحضرو مع اولادم دا غايتو على حسب الصور اللى شفناها.:_jump::_jump::_jump:

بيحضروا مع اولادم ممكن لكن غير كدهـ ما بنرضى زاتو
ما فيها حاجة بس ما يقعدو يضارو لينا في مواضيع الكبار
و يجو ناطين لينا في مواضيعنا نحنا

[أسمرجميل]

أبوعمار::
جحا الله يرحمو ويرحم موتانا جميعا نموزج متفرد
aprahimo::
يا عجيب الكلمات الرصينة دى هسع وين ،،جميلة دنيتنا بيك
ودمدنى ::
والله انت كبير فينا بمكانتك وحبنا ليك (بس برضو عمو)
على طاهر ::
جيل سبعينات وين ياعمك انا السنة الجاية يا دوب ماشى على نجوم الغد
هاجر ::
الوان الطيف والابداع الزمان حل محلو الفاااااعل

جميعا ::
لكم ودى وتقديرى